Unha Pantalla feita por Enrique Suárez Gómez (Quique de Barcelona) no ano 1979.
Esta Pantalla é a primeira de adulto que teño de Enrique Suárez Gómez (Quique de Barcelona) e é do ano 1979. Deixama José Ramón Santiago, Pepe Mípalo, que a gardou na casa como un tesouro todos os anos que estivo en Venezuela. Non sufriu ningunha modificación nin remozado polo que está como saiu das man de Quique. É un verdeiro tesouro que merece ser gardado con todo o respecto.
A PANTALLA
As Pantallas de Quique Suárez foron innovadoras. Nos seu tempo tamén chamou a atención e houbo bastante polémica porque a xente non admitiu estas máscaras de bo grado porque rompían coa estética predomintante naquela altura. Pero as Pantallas de Quique chegaban dende Barcelona pola Empresa Villalón (empresa de autobuses) e vendíanse porque naqueles anos non había quen fixese Pantallas que enchese a demanda que había delas.
A Pantalla é diferente en xeral do modelo canónico. Destaca sobre todo polo rizo, ten un triángulo moi grande por riba da cara e unha curva do rizo enorme.(Este modelo de rizo tan grande é empregado por Santi na actualidade para algunha das súas Pantallas). Se ollamos unha das Pantallas de Julio Villarino ou de Raquel Rodríguez, o rizo está pegado á cara. A forma da cara, os ollos, nariz e boca tamén son diferentes aos que predominaban. As cores que emprega nos galóns das orellas ou os puntiños por todo o bordo da máscara son aportacións persoais de Quique Suárez.
Vemos esta Pantalla en detalle.
PATILLA ESQUERDA.
Dende o corno sae unha correa que colle parte da orella e un pouco da cara. A correa mide de longo 5 cm. e de alta mide 1,20 cm. ata o floco do lado do corno e 1,40 do lado da patilla. A patilla mide de alta 4,10 cm. ata o floco. De longo mide 5,60 cm. Ata a barba do queixo temos unha correa que mide de longo 3,20 cm. e de alta 0,70 cm. ata o floco.
BARBA DO QUEIXO.
De longo mide 6,50 cm. De alta mide dende o floco 4,80 cm.
O perímetro da cara mide 36,50 cm. Da fronte ao queixo mide 23,50 cm. A cara é de cor ocre.
A BARBA.
É de cor negra e sae pola parte de debaixo das orellas. Ten unha patilla a cada lado da cara e unhas correas na barba do queixo e a barba do queixo.
PATILLA DEREITA.
Dende o corno sae unha correa que colle parte da orella e un pouco da cara. A correa mide longo 6,30 cm. e de alta mide 0,40 cm. ata o floco do lado do corno e 0,40 do lado da patilla. A patilla mide de alta 3,50 cm. ata o floco. De longo mide 5,50 cm. Ata a barba do queixo temos unha correa que mide de longo 3,20 cm. e de alta 0,70 cm. ata o floco.
A BOCA.
É de cor vermella. Sobresae dos labios. De longa mide 5,40 cm. De alta mide 2,20 cm. coa pintura. O burato de longo mide 4,40 cm. De alto o burato mide 1,30 cm. A pintura sobresae no labio de abaixo 0,40 cm. e no labio de arriba 0,40 cm. O ancho do labio de arriba mide 0,50 cm. e o ancho do labio de abaixo mide 0,80 cm. A distancia á barba é de 1,90 cm. dende a pintura, ao floco mide 6,40 cm. e ata o fondo mide 9,30 cm.
O BIGOTE.
Está pintado de cor negro. Son ondulados. O tramo dereito mide de longo 3,90 cm. e de ancho entre os 0,60 cm. e os 0,90 cm. O lado esquerdo mide de longo 4,10 cm. e de ancho entre os 0,60 cm. e os 0,90 cm. A separación entre eles é de 0,30 cm. En total mide 8,30 cm. Ten unha parte que vai pegada á boca e sepárase desta cando revira cara arriba. A distancia ao nariz é de 0,10 cm. Os dous tramos do bigote saen de debaixo do nariz, tocan na boca e reviran as puntas cara arriba.
OS COLORETES.
Son de cor vermella. O colorete dereito ten un diámetro de 2,30 cm. O diámetro do colorete esquerdo é de 2,30 cm.A separación entre eles é de 5,70 cm. A separación da base do nariz do colorete dereito é de 1,70 cm. e o ollo está a 0,60 cm. A separación da base do nariz do colorete esquerdo é de 1,30 cm. e o ollo está a 0,60 cm.
O NARIZ.
O nariz é triangular dun só burato. De ancho na base mide 4 cm. De longo mide 4,60 cm. De alta mide 1,60 cm. O burato mide de ancho 1,20 cm. e de alto 0,70 cm. O grosor do feltro e do papel miden de ancho 1 cm.e na punta do nariz mide 0,90 cm. Na punta do nariz ten un reforzo de 0,90 cm. de ancho. Na parte frontal ten una liña de cor vermella por case todo o perímetro. Esta liña mide de longo 4,50 cm. e de ancha mide 0,40 cm.
AS ORELLAS.
Son de cartón e están pegadas na cara e teñen a tendencia de buscar ao rizo coas puntas.
OS OLLOS.
O ollo dereito mide de longo con pintura 6 cm. De alto mide 3,70 cm. O burato mide de longo 5 cm. e de alto 2,50 cm. A pálpebra de arriba mide de ancha 0,80 cm. e non ten pestanas. Está pintada de vermello na parte frontal. A pálpebra de abaixo mide 0,80 cm. e non ten pestanas. Tamén está pintada de vermello.
O ollo esquerdo mide de longo con pintura 5,80 cm. De alto mide 3,70 cm. O burato mide de longo 4,50 cm. e de alto 2,30 cm. A pálpebra de arriba mide de ancha 1,10 cm. sen pestana. Está pintada de vemello na parte frontal. A pálpebra de abaixo mide 1 cm. sen pestanas e tamén está pintada de vermello. A separación entre os ollos é de 1,80 cm.
AS CELLAS.
Están pintadas de negro polo perímetro do ollo. A cella dereita mide de longa 8,20 cm. De ancha mide entre 0,60 cm. e 0,80 cm. A distancia ao ollo é de 0,10 cm. A cella esquerda mide de longa 7,30 cm. De ancha mide entre 0,70 cm. e 0,80 cm, A distancia ao ollo é de 0,10 cm. A separación entre elas é de 0,50 cm.
O CORNO.
O corno é do modelo Enrique Suárez, loxicamente. As medidas do corno son:
Dende o punto máis alto ata o pano debaixo das orellas mide 35 cm. O longo do faldón dende debaixo das orellas mide 20 cm. O ancho da parte media dende a punta da rizo mide 41 cm.
O rizo mide de ancho 4 cm. e despois vaise ensanchando. Cara o medio ten 16 cm. por onde remata o triángulo da cara. O rizo é plano e o burato que crea mide de alto 15,70 cm. e de longo mide 20 cm. De perímetro o rizo mide 106 cm. Colgando do rizo hai un axouxer de 1,50 cm. de diámetro de cor prateado e amarrado cun arame de cor azul.
O bordo é de cor negro con puntiños brancos cunha separación de entre os 2,80 cm. e os 4,70 cm. Os puntiños son de 0,50 cm. de diámetro. O bordo mide 1 cm. de ancho. No faldón ten un longo de 14 cm. e de ancho 0,80 cm. Na orella mide de longo 9 cm. e de ancho na parte de arriba mide 4,50 cm. e na parte de abaixo mide 2,50 cm. O bordo por riba da cara mide de ancho 1,50 cm. O triángulo por riba da cara mide de base 7 cm. e de lado 20,70 cm. Polo triángulo tamén temos puntiños brancos e una parte azul de 4,80 cm. de alto e 7,20 cm. de ancho. No é regular e nalgunha zona é máis estreita. Ten dous adhesivos, unha flor de cor azul e follas vermellas e un pallaso tocando unha harmónica.
O corte ten un ancho de 4 cm. e de alto ten 6,70 cm.
LADO DEREITO
O fondo é de cor azul ceo. Ten puntiños por todo o fondo de cores vermello, laranxa, branco e dourado. Por todo o corno temos 11 adhesivos de cores. Dende o rizo temos unha flor veremella, unha flor amarela, un pallaso tocando o xilófono, un pallaso fumando un puro e cun abano, un hippie fumando e xogango ao ioió, unha flor vermella, un pallaso cunha botella e unha mazá facendo xogos malabares, unha flor vermella e branca e un hippie cunha guitarra. Os adhesivos correspóndense con modelos dos anos setenta do século pasado.
LADO ESQUERDO
O fondo é de cor zul ceo. Ten puntiños por todo o fondo de cores amarelo, vermello, branco e dourado. Por todo o corno temos 11 adhesivos de cores. Dende o rizo temos unha flor vermella, unha flor rosa, un pallaso tocando os platillos, un hippie tocando a batería, un pallaso tocando o saxofón, unha flor azul, unha flor azul e vermella, unha rosa vermella, un hippie cantando, unha flor amarela e un hippie bebendo.
As orellas teñen as seguintes formas e cores:
|
DEREITA |
ALTO |
ANCHO |
ESQUERDA |
ALTO |
ANCHO |
|
|
Corno |
4,20 cm. |
3,40 cm. |
Corno |
3,70 cm. |
3,50 cm. |
|
|
Ocre |
0,80 cm. |
3,50 cm. |
Ocre |
0,70 cm. |
3,80 cm. |
|
|
Prateado |
0,60 cm. |
3,90 cm. |
Prateado |
0,60 cm. |
4,10 cm. |
|
|
Negro |
0,60 cm. |
3,90 cm. |
Dourado |
0,70 cm. |
4,20 cm. |
|
|
Amarelo |
0,30 cm. |
4,20 cm. |
Amarelo |
0,60 cm. |
4,50 cm. |
|
|
Dourado |
0,30 cm. |
4,30 cm. |
Media |
3,50 cm. |
||
|
Media |
3,70 cm. |
Prateado |
0,60 cm. |
4,60 cm. |
||
|
Prateado |
0,60 cm. |
5 cm. |
Vermello |
0,60 cm. |
4,60 cm. |
|
|
Vermello |
0,50 cm. |
4,80 cm. |
Negro |
0,60 cm. |
4,60 cm. |
|
|
Negro |
0,60 cm. |
4,80 cm. |
Amarelo |
0,60 cm. |
4,30 cm. |
|
|
Amarelo |
0,20 cm. |
4,50 cm. |
Media |
3,20 cm. |
||
|
Dourado |
0,50 cm. |
4,60 cm. |
Dourado |
0,50 cm. |
4,70 cm. |
|
|
Media |
2,90 cm. |
Media |
3,20 cm. |
|||
|
Negro |
0,60 cm. |
5,10 cm. |
Dourado |
0,50 cm. |
4,70 cm. |
|
|
Ocre |
0,80 cm. |
5,10 cm. |
Ocre |
0,60 cm. |
4,50 cm. |
|
|
Base |
0,70 cm. |
6,30 cm. |
Base |
1,20 cm. |
5 cm. |
|
A media da orella dereita na parte de arriba ten a seguinte serie de puntiños empezando de arriba a abaixo: 2 puntiños amarelos, 3 puntiños vermellos que van intercalados entre os puntiños amarelos. Unha serie de puntiños vermello, amarelo, vermello, amarelo e vermello. A última serie é de puntiños de cor dourado, vermello, dourado, vermello e dourado.
A media da orella dereita na parte de abaixo ten a seguinte serie de puntiños empezando de arriba a abaixo: 3 puntiños de cor vermello, 2 puntiños de cor amarelo, 3 puntiños de cor prateado, 2 puntiños de cor amarelo, 3 puntiños de cor vermello e un único puntiño de cor vermello para finalizar.
A media da orella esquerda na parte de arriba ten a seguinte serie de puntiños empezando de arriba a abaixo: 2 puntiños de cor vermella, dous puntiños de cor amarela, 2 puntiños de cor vermella, 3 puntiños de cor vermella, 2 puntiños de cor amarela, 3 puntiños de cor dourado e finalmente dous puntiños de cor vermella.
A media da orella esquerda na parte de abaixo ten a seguinte serie de puntiños empezando de arriba a abaixo: serie de puntiños incompleta vermella, amarela xxxx, amarela e vermella. Debaixo 3 puntiños prateados, 2 puntiños amarelos e para rematar 4 puntiños vermellos.
O pano é de cor verde. De longo mide 45 cm. e de ancho mide 70 cm. A parte de abaixo está aserrada e os lados dos triángulos que crea miden entre os 1,50 cm. e os 2,30 cm. Onde están cosidos os axóuxeres a forma é cadrada. Porque esta Pantala ten axóuxeres no fondo do pano. É a primeira vez que se dá esta circunstancia. Ten 8 axóuxeres, realmente serían nove pero un perdeuse, de 1,70 cm. de diámetro de cor prateado. Están colocados entre 7 cm. e 8 cm. un dos outros. O picado é unha serie de 3 rombos en vertical que se repite 9 veces. Entre elas aparece un só rombo que se repite 9 veces e que está colocado á altura do segundo e terceiro rombo empezando por arriba.
A Pantalla pesa 1.072 gr. É a máis pesada ata o momento.
